Siberian Wellness өзінің экомиссиясын, соның ішінде Компания жұмыс жасайтын елдерде де жүйелі жүзеге асырып келеді. Биылғы жылы Компания жұмысының маңызды бағыты Қазақстандағы Каспий итбалығын сақтау жобасы болды. Бірнеше табиғатты қорғау ұйымдарының ресурстары мен тәжірибесін біріктіре отырып, Компания бірегей Қызыл кітапқа ие жануарды қамқорлыққа алады.
22 сәуірде компанияның Астанадағы орталық кеңсесінде Siberian Wellness және "Қазақстан Республикасы Ауыл шаруашылығы министрлігі Балық шаруашылығы комитетінің "Каспий итбалығы" Мемлекеттік табиғи резерваты " Республикалық мемлекеттік мекемесі Каспий итбалығын сақтау жөніндегі ынтымақтастық туралы шартқа қол қойды.
23 сәуірде RES 2026 EXPO – Орталық Азияның "РЭС-2026" өңірлік экологиялық саммитінің іскерлік бағдарламасында "The World Around You" корпоративтік қорының табиғатты қорғау жобаларының жетекшісі Лариса Буянтуева Каспий итбалығын қорғау туралы баяндамамен сөз сөйледі. Сондай-ақ саммит сахнасында Siberian Wellness пен «Каспий итбалығы» бірлескен жұмыстың басталғанын ресми түрде жариялады.
Бұл неге маңызды?
Каспий итбалығы — Каспийге ғана тән эндемик түр, ол Халықаралық табиғатты қорғау одағының (ХТҚО) жойылып кету қаупі бар түрлердің Қызыл тізіміне енгізілген.Түр оның мекендейтін жеріне кіретін бес елдің Қызыл кітабына енгізілген: Ресей, Әзірбайжан, Қазақстан, Түрікменстан, Иран. 1Зерттеулерге сәйкес, соңғы жүз жылда Каспий эндемигінің популяциясы 2024 жылға 1 200 000-ден 305 000 түрге дейін төмендеген.
"Табиғатқа көмектесу - Siberian Wellness компаниясының негізгі құндылықтарының бірі, біз үшін бұл бағытта жүйелі жұмыс жүргізу және қатысатын елдерімізде халықаралық жобаларды дамыту маңызды. Каспий итбалығының популяциясы ерекше қорғауды қажет етеді және біз түрді сақтауға әртүрлі деңгейде қатысуға дайынбыз. Қазақстанда біз келісімге қол қойып, табиғи резерватқа тікелей көмек көрсеттік, ал Каспий маңы бірнеше елі деңгейінде түрді сақтаудың бірыңғай стратегиясын әзірлеу үшін сарапшылар қауымдастығының күш біріктіруін қолдаймыз», – деп бөлісті Siberian Wellness "The World Around You" корпоративтік қорының табиғатты қорғау жобаларының жетекшісі Лариса Буянтуева.
Неліктен Каспий итбалығы жоғалады?
2Каспий итбалығы санының күрт азаюының себептері — XX ғасырдағы белсенді кәсіптік аулау, Каспий теңізі деңгейінің төмендеуі және итбалықтардың көбеюі мен төлдерінің қоректендіруі үшін қажет мұз жамылғысының әлсіз қалыптасуы. Мұз жамылғысы тек Солтүстік Каспийде – қазақстандық және ресейлік сегменттерде қалыптасады, сондықтан Каспий теңізінің қазақстандық бөлігі түрді сақтауда шешуші рөл атқарады.
"Каспий итбалығы" Мемлекеттік табиғи резерваты" Республикалық мемлекеттік мекемесі жойылып кету қаупі төнген Каспийдің жалғыз теңіз сүтқоректісі – Каспий итбалғын қорғауға бағытталған қызметті жүзеге асыруда. Экологиялық міндеттерді тиімді шешу үшін күш біріктіру қажет екенін түсінеміз. Әлеуметтік жауапты бизнес пен коммерциялық емес ұйымдармен серіктестік биоалуантүрлілікті сақтауға және өңірдің тұрақты дамуына маңызды үлес қосады. Біз Siberian Wellness бастамасын және брендтің жалпы іске үлес қосуға дайындығын жоғары бағалаймыз. Біздің ынтымақтастығымыз Каспий итбалығын және Каспий өңірінің табиғи мұрасын сақтаудағы маңызды қадам болатынына сенімдіміз, – дейді "Каспий итбалығы Мемлекеттік табиғи резерватының директоры Самат Ерғазиев.
Біз халықаралық сарапшылар мен жүйелік көмек үшін құнды тәжірибені біріктіреміз
Каспий итбалығын сақтауға тиімді қолдау көрсету үшін салалық сарапшылардың күшін біріктіріп, табиғатты қорғау ұйымдарының тәжірибесін пайдалану маңызды. Каспий итбалығын қорғау жөніндегі жобаны және осы түрді сақтау жөніндегі стратегиялық құжатты әзірлеуді Siberian wellness "The World Around You" қоры "Байкал көлі" қорымен бірлесіп іске асырады.
"Байкал көлі" қоры өзін бірегей экожүйелерді сақтау мүддесінде ғалымдардың, биліктің, бизнестің және қоғамның мүмкіндіктерін шоғырландыруда құзыретті сенімді серіктес ретінде көрсетті. Қор сегіз жыл бойы Siberian Wellness-пен бірге Байкал итбалығын зерттеу жобасын жүзеге асырып келеді, ал енді біз Каспий итбалығының популяциясын сақтауға өлшенетін үлес қосу жобасын бірге әзірлеп жатырмыз», – деп атап өтті "Байкал көлі" Қорының бас директоры Анастасия Цветкова.
Бірінші кезекте не жасалады?
Жобаның бірінші кезеңі - Каспий итбалығы популяциясының жүйелі мониторингі. Компанияның қайырымдылық көмегі аумаққа шығуға, зерттеу жүргізуге, қорық аймағына қызмет көрсетуге және табиғатты қорғау шараларын іске асыруға қажетті техника мен жабдықтарды, сондай-ақ қызметкерлердің жұмысын үйлестіруге арналған байланыс құралдарын сатып алуға мүмкіндік береді. Мұның бәрі өзекті деректерді жинауға мүмкіндік береді, ал сол деректер негізінде алдағы уақытта Қызыл кітапқа енгізілген түрді сақтаудың ғылыми негізделген стратегиясы әзірленеді. Бұл жұмыста Қазақстанның ғалымдарын қоса алғанда, халықаралық сарапшылар тобы маңызды рөл атқарады. Сонымен қатар, жобаның жеке бағыты - Каспий итбалығының жойылу мәселесіне жұртшылықты тарту және осы маңызды тақырыпты ақпараттық қолдау.
"Siberian Wellness Қазақстанда 18 жылдан астам уақыт бойы бизнесті табысты жүргізіп келеді. Осы жылдар ішінде біздің Бизнес-Серіктестеріміз бен Клиенттеріміз Компанияның сараптамасына сенуге болатынына көз жеткізді: табиғаттағы көмек бір реттік емес, жүйелі сипатқа ие және нақты нәтижелер береді. Қазақстан корпоративтік қорға аударымдар көлемі бойынша екінші орында тұр, бұл адамдардың экология мәселелеріне жоғары деңгейде атсалысып жатқанын көрсетеді. Сондықтан енді бейжай қарамайтын әрі Компанияға сенім білдіретін аудиторияның өз еліндегі жобаны қолдап, нақты оң өзгерістерге үлес қоса алуы өте маңызды. Бұл — Каспий экожүйесін сақтауға қосылған маңызды үлес», – деп бөлісті Орталық Азия елдері бойынша Siberian Wellness басқарушы директоры Василий Алексеев.
Ғылымның, табиғатты қорғау ұйымдарының, бизнес пен қоғам қолдауының бірігуі міндетті түрде өз нәтижесін беріп, жобаның дамуына, демек, осынау әсем әрі осал түрді сақтауға көмектеседі! Жоба туралы толығырақ білу https://worldaroundyou.org/caspian_seal және бүгін осы үлкен іске өз үлесіңізді қосуға болады: https://worldaroundyou.org/help.