Смарт-детокс

• Жасушалық деңгейдегі толық детоксикация циклі Жұмсақ. Ғылыми негізде. Күйзеліссіз. Цитрус пектинінен жасалған сорбент токсиндерді жинайды, өсімдік кешені ағзаның өзіндік детоксикациялық ресурстарын белсендіруге көмектеседі, ал «N-ацетил-L-цистеин» (NAC) антиоксиданттық қорғанысты іске қосады. • Жайсыздықсыз жұмсақ шығару Құрамында жасұнықтың үш көзі (пектин, псиллиум және бұршақ талшықтары) бар цитрус пектинінен жасалған сорбент «тазартқыш» қызметін атқарады: ол микробиомға зиян келтірмей, токсиндерді, ауыр металдар мен аллергендерді байланыстырып, ағзадан шығарады. Ішектің жиырылу қызметі жақсарып, ағза тазарып, сіз жеңілдікті сезінесіз. • Ағзаның өзіндік тазарту жүйелерін іске қосу «Тазалық көздері» кешені «кәдеге жаратушы» сияқты әрекет етеді. 17 шөп пен 6 өсімдік сығындысы бауырдың, бүйректің, өт шығару жолдары мен лимфаның жұмысын белсендіреді. Ағза жиналған заттарды өздігінен шығара бастайды және оның ішкі үйлесімі қалпына келеді. • Антиоксидантты қалқан NAC ағзаның негізгі антиоксиданты – глутатион синтезін қолдап, «қорғаушы» қызметін атқарады. Глутатион бос радикалдарды бейтараптандыруға көмектесіп, бауыр мен тыныс алу жүйесін қорғауға ықпал етеді. Ағзаны детоксикациялау және жасушалық деңгейде қабыну мен қартаю алдын алу. Детокстың үш сатысы: жеңілдік пен сұлулықты таңдаңыз! Заманауи өмір ырғағы, қала экологиясы және тамақтану ағзаның детоксикация жүйелеріне елеулі жүктеме түсіреді. Олар өз міндеттерін орындай алмай, соның салдарынан денеде ауырлық, ойдың тұмандануын және әлсіздікті сезінеміз, ал тері өңсізденіп, серпімділігінен айырылады. Шешімі – ағзаны жасушалық деңгейде кешенді тазарту. Үш сатылы бағдарлама толық цикл қағидаты бойынша жұмыс істейді. Бірінші кезеңде токсиндер, ауыр металдар мен аллергендер жиналып, ағзадан шығарылады. Ішекте әрекет ететін пектинді сорбент жұмсақ жұмыс істеп, асқазан-ішек жолының (АІЖ) қызметін бұзбайды және микробиомның сау күйін қолдайды. Келесі кезең – «Тазалық көздері» кешенінің көмегімен ағзаның өзіндік детоксикациялық функцияларын ынталандыру. Оның әсерінің арқасында бауыр өтті белсендірек бөледі, өт қабынан тезірек шығып, ішекке өтеді. Ішектің жиырылу қызметі де күшейіп, метаболизм өнімдерінің ағзадан шығарылуын жеделдетеді. Сонымен қатар жасушалар мен жасушааралық ортаны тазарту үдерісі іске қосылады. Бұдан бөлек, кешен бауырдың, бүйректің және лимфаның тазарту жүйелерін қолдап, ағзаға токсиндерді толыққанды өңдеуге және залалсыздандыруға көмектеседі. Үшінші кезеңде токсиндермен күреске NAC қосылады. Ол ағзаның негізгі антиоксиданты – токсиндерді залалсыздандыруға тікелей қатысатын глутатионның синтезі үшін «құрылыс материалы» қызметін атқарады. Бауырдағы детоксикация екі кезеңмен жүреді: алдымен токсиндер шығаруға дайындалады, содан кейін залалсыздандырылған заттар басқа молекулалармен байланысып, ағзадан табиғи жолмен шығарылады. Осылайша NAC зиянды қосылыстарды бейтараптандыру мен шығаруда аса маңызды рөл атқарады. Өзіңізге жетіспей жүрген денедегі жеңілдікті, ойдың анықтығын, өмірлік қуат пен күшті қайтарыңыз! Цитрус пектинінен жасалған сорбент Цитрус жемістері мен бұршақ талшықтарынан алынған табиғи сорбент асқазан-ішек жолын жұмсақ тазартады және ішектің сау жиырылу қызметін қолдайтын жасұнықтың жайлы көзі болып табылады. Жағымды дәмге ие және микробиомға зиян келтірмейді. • Yantai DSM Andre Pectin Co., Ltd ұсынған пектин Цитрус қабығынан жасалған жоғары сапалы пектин. Өндіруші – Азиядағы ең ірі өндірушілердің бірі және күшті тұрақтылық профиліне ие. • Swelite®F бұршақ талшықтары COSUCRA Warcoing S.A. (Бельгия) ұсынған сары бұршақтың жасуша қабырғаларынан алынған ұсақталған жасұнық. Құрамында ГМА, глютен жоқ, Е-индексі де жоқ. Жолжелкен тұқымдарының қабықтары (псиллиум) Өсімдік пребиотигі. Ішек моторикасын жақсартады, жұмсақ іш жүргізетін әсерге ие, холестерин мен қандағы қант деңгейін тұрақтандыруға көмектеседі. • Итмұрын шырыны (құрғақ концентрат) С дәрумені, флавоноидтер және илік заттектер зат алмасуды, тіндер регенерациясын жеделдетеді және иммунитетті күшейтеді. • Қызылжидек шырыны (құрғақ концентрат) Қан тамырларының қабырғаларын нығайтуға, қан қысымын қалыпқа келтіруге және вирустарға қарсы күресте ағзаның қорғанысын белсендіруге көмектеседі. • Түймедақ гүлдерінің сығындысы Табиғи антисептик Қабынуға қарсы және тыныштандыратын әсерге ие, құрысуды жеңілдетуге көмектеседі. «Тазалық көздері» Шөптер, өсімдік сығындылары, дәрумендер мен минералдар негізіндегі бірін-бірі толықтыратын үш формуладан тұратын ағзаны кешенді тазартуға арналған жиынтық. Жасушалар мен жасушааралық орта деңгейінде терең тазартуды, сондай-ақ антиоксиданттық қорғанысты қамтамасыз етеді. Ағзаның өзіндік детоксикация жүйелерін белсендіруге арналған табиғи шешім. Формула 1 • Піштен сығындысы, түйежапырақ тамыры және шайқурай шөбі. Микрофлораның қалыпқа келуіне ықпал етіп, ішек моторикасын арттырады, бұл метаболизм өнімдерінің жедел шығарылуына әкеледі. • Қырықбуын мен таран шөбі, итбүлдірген және қара қарақат жапырақтары. Бүйректердің жұмысын және зәр шығару жүйесінің тазарту функцияларын ынталандырады. Жеңіл несеп шығару әсердің арқасында зат алмасу өнімдері организмнен тезірек шығарылады. • Шұбаршөп сығындысы, салаубас пен түймешетен гүлдері, шоқсары, таран мен шайқурай шөбі. Бауырда өттің түзілуін күшейтеді, өт қабынан ішекке өттің ағуын жеделдетеді. • Итбүлдірген мен қара қарақат жапырақтары, тиынтақ пен қандышөп тамырлары, беде мен мажыра шөбі. Қанайналым және лимфа жүйелерінің тазарту функцияларын реттейді. • Қызылмия тамыры мен шайқурай шөбі. Бронхтардың тазарту белсенділігін ынталандырады. • Қызылкүрең, тиынтақ тамырлары, мажыра мен шайқурай шөбі. Иммундық жүйенің жұмысын жандандырады. Формула 2 • Шаршыгүлді көкөністер сығындысы Азықтық индолдар мен изотиоцианаттардың жоғары мөлшерінің арқасында бауырдағы токсиндердің жасушаішілік биотрансформациясының I және II фаза ферменттерін белсендіреді. • Қаңбақ сораң сығындысы, алатікен жемістері мен курил шайы сығындысы Антиоксиданттық және мембрана тұрақтандырушы әсер етеді. Осының арқасында детоксикация функциясы күшейіп, бауыр жасушалары қалпына келеді. • Бақбақ тамырлары, ақжелкен жапырақтары, самырсын қылқаны және жасыл шай жапырақтары Маңызды бауыр ферменттерін белсендіреді, бауыр жасушаларын қорғайды және токсиндердің шығарылуын ынталандырады. Формула 3 • Селен, мырыш, мыс пен марганец Адамның эндогенді антиоксиданттық жүйесінің негізгі ферменттері құрамына кіреді. Селен жүрек-қан тамырлары жүйесін қорғау үшін ерекше маңызды, ал марганец жасуша митохондрияларын тотығу күйзелісінен сақтау үшін қажет. • А және Е дәрумендері Жасуша мембраналарының зақымдалуын болдырмайтын майда еритін антиоксиданттар. Тері мен шырышты қабықтарды қорғау үшін ерекше маңызды. • Бета-каротин Антиоксидантты, иммуностимуляторлық және адаптогендік қасиеттерге ие. Тері мен шырышты эпителийдің тез қалпына келуіне ықпал етеді, теріні фото қартаюдан қорғайды, ультракүлгін сәулелердің теріс әсерін азайтады. • С дәрумені (аскорбин қышқылы) Қуатты қалпына келтіргіш, бірқатар биологиялық белсенді заттарды тотығудан қорғайды. Жүзім сүйектерінің сығындысы Жүрек-қан тамырлары жүйесін қорғауда ең белсенді болып табылатын лейкоантоциандар мен ресвератролды қоса алғанда, биофлавоноидтар кешенін қамтиды. • Итмұрын жемістері мен жебіршөп Табиғи су және майда еритін антиоксиданттар мен флавоноидтардың толық кешенінің көзі. Қабынуға қарсы және қалпына келтіруші әсер қамтамасыз етеді. «N-ацетил-L-цистеин» Ағзадан токсиндерді шығару жағдайын реттейді, бауыр мен тыныс алу жүйесінің саулығын қолдайды, тотығу күйзелісімен күреседі. N-ацетилді табиғи амин қышқылы L-цистеиннің туындысы. Дененің барлық жасушаларын тотығу жағдайынан қорғайтын, ағазның антиоксидантты қорғаныс жүйесінің негізгі ферменті-глутатион өндірісін қолдайды. Бұл қақырықты шығаруды жақсартатын муколитик. Кімдерге арналған? – Мегаполис және экологиялық жағдайы қолайсыз аудандар тұрғындарына. – Зияндылық деңгейі жоғары өндірістердің қызметкерлеріне. – Ағзада қалдықтардың шамадан тыс жиналу белгілерін сезінетіндердің барлығына: ойдың тұмандануын, әлсіздікті, асқазан-ішек жолындағы ауырлықты, жиі суық тиюді, терінің өңсізденуін және т.б.